नंदूरबार :- भारताचे राष्ट्रगान वंदे मातरम हे बंकिमचंद्रचट्टोपाध्याय लिखित गीतास नुकतेच दीडशे वर्ष पूर्ण झालीत.त्या अनुषंगाने नंदुरबार येथील नखचित्रकार श्री ज्ञानेश्वर भीमराव सोनवणे यांनी नखांच्या साह्याने पूर्ण “वंदे मातरम” कागदावर साकारलं. केवळ नखाने 
कागदावर लेखन करणे ही अतिशय दुर्मिळ कला श्री सोनवणे यांनी हस्तगत केली आहे. काही महिन्यापूर्वी संत ज्ञानेश्वरांच्या साडेसातशेव्या जन्मोत्सवानिमित्ताने पसायदानही सरकारलं होतं. श्री ज्ञानेश्वर सोनवणे यांनी नख चित्राच्या माध्यमातून संपूर्ण श्रीमदभागवत गीतेचे 700 श्लोक देखील लिहिलेले आहेत. त्याची दखल इंडिया बुक ऑफ रेकॉर्ड मध्ये घेतली गेली आहे. या कार्याचा सन्मान म्हणून श्री सोनवणे यांना मुंबई दूरदर्शनच्या सह्याद्री वाहिनीवर देखील मुलाखतीसाठी बोलावले होते. नखं चित्रकला या दुर्मिळ कलेला राष्ट्रीय स्तरावर सन्मान मिळवून देण्यासाठी श्री सोनवणे यांचा प्रयत्न आहे त्यासाठी त्यांचे कार्य सतत सुरूच आहे. जनमानसातून या कलेला नियमितपणे प्रोत्साहन आणि पाठिंबा मिळत राहतो.श्री ज्ञानेश्वर सोनवणे हे माध्यमिक विद्यालय व कनिष्ठ महाविद्यालय जखाणे ता. शिंदखेडा जि. धुळे येथे कलाशिक्षक म्हणून कार्यरत आहेत.
