वडाळी येथे रविंद्र राजपूत यांच्या वाढदिवसानिमित्त सामाजिक उपक्रम
वडाळी : समाजहिताच्या उपक्रमांसाठी नेहमीच पुढाकार घेणाऱ्या ललित गोसावी मित्रपरिवारातर्फे रविंद्र राजपूत यांच्या वाढदिवसानिमित्त वडाळी परिसरात व गावात विविध सामाजिक कार्यांचे आयोजन करण्यात आले. वाढदिवसाचे औचित्य साधत प्राथमिक आरोग्य केंद्रे तसेच खाजगी दवाखान्यांमध्ये फळवाटपाचा कार्यक्रम घेण्यात आला. समाजात सेवा, सहकार्य आणि आपुलकीची भावना वृद्धिंगत करण्याच्या दृष्टीने हा उपक्रम महत्त्वपूर्ण ठरला.
फळवाटप करण्यात आलेल्या प्राथमिक आरोग्य केंद्रातील नागरिकांनी अशा प्रकारच्या सहकार्याबद्दल समाधान व्यक्त केले. आरोग्य समस्यांमुळे दवाखान्यात उपचार घेत असलेल्या रुग्णांनाही फळवाटप करून वाढदिवसाचा आनंद सर्वांसोबत साजरा करण्यात आला. समाजातील प्रत्येक घटकापर्यंत पोहोचून आनंद वाटण्याचा हेतू या उपक्रमामागे असल्याचे आयोजकांनी सांगितले.
या कार्यक्रमास सदन शेतकरी प्रमोद चव्हाण, चंद्रकांत चव्हाण, कालुभाई चव्हाण, मनोज माळी, सुरज माळी,केशव ठाकरे, इरफण मलापटेल, महारु माळी, नाना गोसावी,भगवान माळी यांसह अनेक कार्यकर्ते उत्स्फूर्तपणे सहभागी झाले होते. सर्व कार्यकर्त्यांनी मिळून कार्यक्रम सुरळीत व शिस्तबद्ध पार पाडला. उपस्थितांनी रविंद्र राजपूत यांच्या सामाजिक बांधिलकीचे कौतुक करत त्यांच्या पुढील कार्यासाठी शुभेच्छा दिल्या.
ललित गोसावी मित्रपरिवाराचे हे सामाजिक कार्य स्थानिक नागरिकांकडूनही कौतुकास्पद मानले जात असून समाजात सकारात्मक संदेश पोहोचविणारा प्रेरणादायी उपक्रम ठरला आहे.
