बिबट्यामुळे मजूर मिळेना – शेतकऱ्यांना दिवसा विज द्या
शिरपूर तालुका भाजपा (ग्रामीण) ची मागणी
शिरपूर तालुक्यातील वनावल, टेंबे, टेकवाडे, चांदपुरी, भरवाडे, खामखेडा अर्थे, रुदावली, बाळदे, गिधाडे, जातोडे व बोरगाव या गावात बिबट्या, तरस या वन्यजीव प्राण्यांच्या वावर मोठ्या संख्येने वाढल्यामुळे सध्या सुरू असलेल्या रब्बी हंगाम सुरू असून या वन्यजीव प्राण्यांच्या भीतीपोटी शेतकऱ्यांना रात्री पाणी भरायला जाण्यास जीव मुठीत धरून जावे लागते. *सदर रात्रीची वीज ही दिवसा मिळावी यासाठी शिरपूर तालुक्याचे आमदार काशीराम दादा पावरा व शिरपूर तालुका ग्रामीण भाजपा अध्यक्ष भरत भिलाजी पाटील यांच्या लेखी पत्राद्वारे महाराष्ट्र राज्य वीज वितरण कंपनी भाग 1 व भाग 2 उप अभियंता साहेब यांना निवेदन देण्यात आले.*
निवेदन देते वेळी शिरपूर तालुका सरपंच संघटनेचे तालुका अध्यक्ष तथा भाजपा ता सरचिटणीस योगेंद्रसिंग सिसोदिया बोरगांव, वनावल गावाचे शेतकरी युवराज चैत्राम पाटील, नंदलाल साहेबराव पाटील, भाजपा तालुका चिटणीस निलेश बाबुराव देशमुख, मनोहर भाऊराव पाटील, चांदपुरी गावातील शेतकरी एकनाथ संभू पटेल, विलास हांडू पटेल, ग्रामपंचायत सदस्य लिलाचंद दशरथ पाटील, विकास नामदेव पाटील, भावेश एकनाथ पाटील तसेच परिसरातील व गावातील शेतकरी वर्ग मोठ्या संख्येने उपस्थित होते.
शिरपूर उपकार्यकारी अभियंता यांच्या सोबत सकारात्मक चर्चा झाली असून लवकरात लवकर यावर सुवर्णमध्य काढू असे आश्वासन म रा वि वि कडून देण्यात आले.
